Dy persona të maskuar dhe të armatosur pasdreke rreth orës 17:00 e kanë vjedhur ekspoziturën e Uni Bankës në Strugë, e cila gjendet kundër zyrës së vjetër të zjarrëfiksëve, në qendrën e qytetit.

Hajdutët kanë qenë të veshur me mantela të gjata të zeza, të armatosur me pushkë automatike. Njëri ka hyrë brenda në bankë përderisa tjetri e ka pritur në veturën e parkuar.

Vjedhja ka ndodhur në momentin kur të punësuarit i kanë bërë llogaritjet e fundit të ditës, pak para mbylljes së bankës. Nga informatat paraprake të cilat janë dhënë deri më tani, pohohet se nuk ka të lënduar.

Ekspozitura e Uni Bankës është e vendosur menjëherë pranë Tutnska Bankës, e cila derën e kishte mbyllur gjysmë ore më herët. (zhurnal)