Gratë në Maqedoni jetojnë pesë vjet më gjatë se burrat, tregojnë të dhënat zyrtare të Entit Shtetëror të Statistikave në Maqedoni, sipas të cilave, jeta mesatare e grave është 74 vjeç, ndërsa e burrave 69 vjeç.

Në publikimin e Entit me titull “Gratë dhe burrat” në Maqedoni, thuhet se raporti mes grave dhe burrave është i barabartë, me 50 për qind.

Të dhënat e publikimit tregojnë se gratë krijojnë lidhje martesore në moshë mesatarisht 25 vjeç, ndërsa burrat në moshën 28 vjeç. Gratë kryesisht lindin më së shumti dy fëmijë dhe se familjet dominuese janë me nga dy fëmijë.

Element tjetër shqetësues statistikor paraqesin të dhënat se gjatë dhjetë viteve të fundit, është regjistruar plakje e konsiderueshme e popullsisë në Maqedoni.