Presidenti në detyrë Jakup Krasniqi, nuk u përgjigj decidivisht nëse pajtohet me deklaratat e ambasadorit amerikan në Prishtinë Chris Dell, se qeveria e ardhshme duhet të jetë me duar të pastra, ndërsa në të nuk duhet të jenë njerëz të dënuar apo ata qe janë nën hetime.

Krasniqi tha se gjithë pajtohen se Kosovës i duhet një qeveri qe din të qeverisë dhe qe ka kapacitete, me njerëz qe marrin dhe japin përgjegjësi para qytetarëve. Presidenti në detyrë, megjithatë tha se ambasadori Dell, nuk ka folur vetëm për PDK-në, por për gjithë spektrin politike në Kosovë.

“Nuk është mirë ta vëmë në emra atë qe ka thënë ambasadori Dell. Ambasadori Dell ka folur për gjithë politikën në Kosovë dhe qeveria nuk do të jetë vetëm nga Partia Demokratike, por do të jenë edhe parti tjera të koalicionit, megjithatë koha qe jemi qeverisja kërkon edhe figura të reja, por igji nuk e ka thënë fjalën e vetë”, ka thënë Krasniqi.

Mirëpo ai kishte një porosi për gjithë spektrin politikë në vend, qe para se gjithash të shikohet interesi i zhvillimit të shtetit të Kosovës. /indeksonline/