Los Angeles, 19 qershor – Fustani i bardhë i veshur nga Marilyn Monroe në filmin “The Seven Year Itch” të vitit 1955 është shitur për 4.6 milionë dollarë në një ankand në Los Angeles.

Fustani ishte pjesë e koleksionit të relikeve të filmit të mbledhura nga aktorja Debbie Reynolds gjatë katër dekadave.

Ajo kishte shpresuar t’i vendoste në një muze, por projekti nuk u realizua kurrë, transmeton BBC.

Reynolds filloi mbledhjen e kostumeve më 1970 dhe kishte grumbulluar mbi 3 500 sosh.