Faqja e famshme për dëgjimin e muzikës online, Spotify, e ka thyer edhe një rekord të vetin, pasi që ka arritur të grumbullojë më shumë se 3 milionë abonentë në faqe.

Ky numër i klientëve është për 500 mijë më i madh sesa ai i muajit nëntor, ose 1 milionë më i madh se në muajin shtator, kur Spotify kishte 2 milionë abonentë, mirëpo vetëm 20 për qind prej tyre janë anëtar të faqes të cilët paguajnë për shërbimin.

Megjithatë, Spotify është duke u munduar që të shtyjë pjesën e mbetur prej 80 për qind të paguajë për shërbimin, ndërsa bashkë me këtë të rrisë edhe numrin e klientëve që vijnë nga tregjet tjera globale.

Do të jetë interesante të shihet se sa klientë të ri do të arrijë t’i bëjë Spotify deri në fund të këtij viti.